جوزيف ويليامز ولد بدون فكين وعاش معاناة رهيبة ولكن مفاجأة غيرت حياته بعد 40 سنة(التفاصيل)

وكال وكالة السواحل للأنباء(نواكشوط): بنسمع دايما جملة "إن الحياة بتكون صعبة لما ما يكونش جنبك فيه حد بيحبك" تخيل حياة إنسان مش لاقي حد يحبه أو استحالة يلاقى الشخص ده! دى باختصار قصة حياة راجل أمريكى اسمه جوزيف ويليامز تجاوز الأربعين سنة ولد جوزيف بحالة نادرة جدا اسمها متلازمة الأذن والوجه يعنى كان وجهه بدون فك! واعتمد على لغة الإشارة والكتابة لما كبر عشان يقدر يتواصل مع الآخرين كمان كان بيتناول الأكل مخلوط عن طريق أنبوبة موصلة إلى معدته مباشرة تخيل حجم التنمر والمعاناة اللى عاشها جوزيف يكفى بس إنك تعرف إن أسرته عرضته للتنبى بعد ما فقدوا الأمل في علاجه! وقرارهم كان بعد فشل عملية ترقيع العظام ومحاولة بناء فك جديد لأن جسمه كان بيرفض العضو الجديد وفى المدرسة كان وضعه صعب جدا وكان بيهرب من زمايله دايما ومن محاولاتهم لمضايقته ورغم ده كان دايما بيقول: "متفهم أنى مختلف وفى ناس شايفنى إن شكلى قبيح بس في النهاية أنا انسان عنده قلب وعقل ومشاعر" ورغم كم البؤس في حياة جوزيف لكنه كان دايما بيحاول ما يوصلش لمرحلة اليأس وأخيرًا الحياة ابتسمت له بعدما لاقى حب حياته "فانيا" فانيا كانت تقريبا فى نفس عمره وقعت في حبه وقدرت إنها تزرع الثقة فيه واتجوزوا أخيرا عشان تكتب لقصته نهاية سعيدة شبه الأفلام! مش بس كده جوزيف بدأ يدور على شغفه الحقيقى واشتغل على أكتر حاجة بيحبها وهى الموسيقى عشان يحقق حلمه التانى إنه يكون منسق موسيقى محترف في يوم من الأيام زى ما لاقى حب حياته بعدما كان فاقد الأمل تماما بيفتكر جوزيف على طول اللحظات الصعبة في حياته لكنه ممتن دايما إنه قابل حب عمره في النهاية رغم أى صدمات شافها فى حياته...

اليوم السابع المصرية